අණ නොතකා ධාවනය කළ මෝටර් රථයකට පොලිසියෙන් වෙඩි - වාහනය තුළ මාසයක පමණ බිළිඳෙක්..

පොල්ගහවෙල අධිකරණය අසල දී අණ නොතකා ධාවනය කළ මෝටර් රථයකට පොලීසිය විසින් වෙඩිතබා තිබේ.

අදාල මෝටර් රථයේ හෙරොයින් ප්‍රවාහනය කරන බවට ලැබුණු තොරතුරක් මත එය නවත්වන ලෙස පොලිස් නිලධාරීන් කණ්ඩායමක් විසින් අණකර ඇති බවයි වාර්තා වන්නේ.

නමුත් එය අණ නොතකා ධාවනය කරන විට පොලීසිය විසින් එයට වෙඩිතබා ඇති අතර, එම වෙඩි පහර මෝටර් රථයේ ටයරයකට වැදී ඇති බව වාර්තා වනවා.

එහිදී, මෝටර් රථය කිලෝමීටරයක් පමණ ධාවනය වීමෙන් අනතුරුව පොලිස් නිලධාරීන් එය නවතා එහි සිටි පුද්ගලයින් තිදෙනෙක් අත්අඩංගුවට ගෙන තිබෙනවා.

මෝටර් රථය තුළ වයස මාසයක පමණ බිළිඳෙක්, කාන්තාවක් සහ පිරිමි පුද්ගලයෙක් සිට ඇත.