කිතුණු බැතිමතුන් ඉමහත් හරසරින් සමරන පාස්කු ඉරිදාව අදයි..රට පුරා ආරක්ෂාවට මුල් තැන දෙයි..

කිතුණු බැතිමතුන් මහත් බැතියෙන් සමරනු ලබන පාස්කු ඉරිදා දිනය අදට යෙදී තිබෙනවා.

ලොව පුරා කිතුණු බැතිමතුන් ජේසුස් ක්‍රිස්තුස් වහන්සේ මරණයෙන් උත්ඨානය වීම සිහිපත් කරමින් අද සිය ආගමානුකූලව සමරනු ලබීම විශේෂත්වයක්.

මේ වෙනුවෙන් ලොවපුරා සෑම කිතුණු දේවස්ථානයකම විශේෂ දේව මෙහෙයන් පැවැත්වෙනවා.

කෙසේ නමුත් 2019න් පසුව මෙරට කිතුණු බැතිමතුන් පාස්කු ඉරුදින සමරනු ලබන්නේ වේදනාත්මක මතක ගොන්නක් සමඟ මනසෙහි දෙගිඩියාවෙන් ය.

ඒ 2019 වසරේ පාස්කු දින සැමරූ ප්‍රධාන දේවස්ථාන කිහිපයක්, තරු පංතියේ හෝටල් කිහිපයක් ඉලක්කව සාහසික ත්‍රස්ත ප්‍රහාරයකට නතුවීම නිසාවෙනි.

ඉන් දිවි අහිමි වූ, තුවාල ලැබූ පිරිස අතිමහත්. තවමත් ඉන් පීඩාවිඳි පිරිසට යුක්තිය ඉටුවී නොමැති බවත් කිවයුතුම කාරණයක්.

අද වැනි දිනයක අපි හදවතින්ම ප්‍රාර්ථනා කරන්නේ, යළි එවන් ඛේදනීය පුවත් අහන්න, දකින්න තරම් අප අවාසනාවන්ත නොවේවා යන්නයි.