කොළඹ ජාතික රෝහලේ 3000කට කෑම නෑ.

කොළඹ ජාතික රෝහලේ නේවාසික රෝගීන් 3000කට ආසන්න සංඛ්‍යාවකට ඊයේ (04 ) දහවල් කෑම වේල ලබා දීම පැය 3ක කාලයක් ප්‍රමාද වී තිබෙනවා.

ඒ හේතුවෙන් රෝගීන් දැඩි අපහසුතාවයට පත්ව ඇති බවයි වාර්තා වන්නේ.

මෙම ගැටලුවට හේතු වී ඇත්තේ, රෝහලට ආහාර සැපයීම අඩාල වීම සහ සපයුම්කරුවන් නරක් වූ, පුස් කෑ, ප්‍රමිතියෙන් තොර ආහාර වර්ග යළි හරවා යැවීමයි.

එමෙන්ම ජාතික රෝහලේ නේවාසික රෝගින්ට උදෑසන ආහාරවේල සඳහා ධාන්‍ය වර්ගයක් ලබා දීමට නියමිතව තිබුණද පවතින ආහාර අර්බුදයත් සමඟ ජාතික රෝහලේ උදෑසන ආහාර වේල පරිප්පු සහ බත්වලට පමණක් සීමා වී ඇත.

ඇතැම් රෝගීන්ට ලබා දෙන අධි ප්‍රෝටීන් ආහාර කිසිවක් මේ වනවිට ජාතික රෝහලෙන් ලබා නොදෙන බවද වාර්තා වෙනවා.