මෙරට උද්ධමනය තවත් ඉහළට - මහ බැංකුවෙන් විශේෂ නිවේදනයක්..!

ජාතික පාරිභෝගික මිල දර්ශකය මත ජුනි මාසයේ උද්ධමනය 58.9%දක්වා ඉහළ ගොස් ඇතැයි ශ්‍රී ලංකා මහ බැංකුව පවසනවා. 

එය මැයි මාසයේ පැවතියේ 45.3%ක් ලෙසටයි. මහ බැංකුව සඳහන් කළේ උද්ධමනය මෙලෙස ඉහළ යාම සඳහා ආහාර සහ ආහාර නොවන කාණ්ඩ දෙකෙහිම මිල ගණන්වල සිදුවූ මාසික ඉහළ යාම් හේතුවූ බවයි.

මේ අනුව ආහාර කාණ්ඩයෙහි වාර්ෂික ලක්ෂ්‍යමය උද්ධමනය මැයි මාසයේ පැවති 58.0% සිට ජුනි මාසයේදී 75.%8 දක්වා ඉහළ ගොස් තිබෙනවා.

ආහාර නොවන කාණ්ඩයෙහි වාර්ෂික ලක්ෂ්‍යමය උද්ධමනය මැයි මාසයේ පැවති 34.2% සිට ජුනි මාසයේදී 43.%6 දක්වා ඉහළ ගොස් තිබෙනවා.