අලුත් අවුරුදු සමයේ ඉහළ ගිය අධිවේගී මාර්ගයේ ආදායම.

සිංහල සහ දෙමළ අලුත් අවුරුදු කාලසීමාවේ දී රුපියල් කෝටි 15 ඉක්මවූ ආදායමක් අධිවේගී මාර්ගවලින් ලැබී තිබේ.

පසුගිය 10 වැනිදා සිට 13 වැනිදා දක්වා කාලසීමාවේ අධිවේගී මාර්ගවලින් රුපියල් පහලොස් කෝටි අනූ අට ලක්ෂ දෙදහස් නවසිය පනහක ආදායමක් ලබා ඇති බව , අධිවේගී මාර්ග මෙහෙයුම් සහ නඩත්තු ඒකකයේ අධ්‍යක්ෂ R .I .D .කහටපිටිය මහතා පැවසුවේ ය.

එම මහතා පැවසුවේ මෙම කාලසීමාවේදී රථවාහන හතලිස් තුන් ලක්ෂ පන් දහස් පනස් එකක් අධිවේගී මාර්ගවල ධාවනය කර ඇති බව ය.

දෙකෝටි හතලිස් හය ලක්ෂ හැත්තෑ හය දහස් හාරසීයක ආදායමක් 13 වැනි සෙනසුරාදා අධිවේගී මාර්ගවලින් ලබා ඇත.