එක් පිරිසකට ඉන්ධන සැපයීම අත්හිටුවයි..

ඉන්ධන අර්බුදය හමුවේ දිවයිනට පැමිණෙන විදේශීය ගුවන් යානාවලට ඉන්ධන සැපයීම ඊයේ(02) සිට නතර කර තිබෙන බව වරාය, නාවික හා ගුවන් සේවා අමාත්‍යාංශ ලේකම් කේ.ඩී.එස්. රුවන්චන්ද්‍ර මහතා සදහන් කරයි. 

ඒ පවතින ගුවන් යානා ඉන්ධන තොග අවසන් වීමත් සමඟ ය.

මේ නිසා  ඉන්ධන පුරවාගෙන දිවයිනට පැමිණෙන ලෙස මෙරටට ගුවන් ගමන් සිදුකරන ගුවන් සමාගම්වලට දැනුම්දීමක් ද සිදුකර ඇති අතර හදිසි අවස්ථාවකදී භාවිතයට ගැනීම සඳහා ඉතා සුළු ගුවන් යානා ඉන්ධන සංචිතයක් පමණක් පවතින බව ඒ මහතා වැඩිදුරටත් සදහන් කළේ ය.