මිනිසුන් ඉවත් කරයි - අලි - මිනිස් ගැටුමට නවතම පිළියමක්..!

 වනජීවි සංරක්ෂණ දෙපාර්තමේන්තුව විසින්, අලි මිනිස් ගැටුම් අවම කිරීමේ අරමුණින් නව වැඩපිළිවෙලක් ආරම්භ කර තිබේ.

ඒ යටතේ, හඳුනාගත් අලිමංකඩ 16ක් යළි වන අලින් සඳහා විවෘත කිරීම සිදුකිරීමට නියමිත බව එම දෙපාර්තමේන්තුව සඳහන් කළේය.

ඒ අනුව අදාළ අලිමංකඩවල පදිංචිව සිටින ජනතාව ඉන් ඉවත් කිරීමේ කටයුතු සම්බන්ධයෙන් මේ වන විට සාකච්ඡා සිදුකෙරෙමින් පවතින බව සඳහන්ය.

වනජිවි කලාප මට්ටමින් මේ සම්බන්ධයෙන් ජනතාව දැනුවත් කිරීමේ වැඩසටහන් ද ආරම්භ කර තිබේ. මේ වසර තුළ දී අදාළ වැඩසටහන යටතේ අලිමංකඩ කිහිපයක් වන අලින් සඳහා යළි විවෘත කිරීමට අපේක්ෂා කරන බව ද වනජීවි සංරක්ෂණ දෙපාර්තමේන්තුව සඳහන් කළේය.

මේ අතර පසුගිය වසර තුළ දී පමණ අලි මිනිස් ගැටුම් හේතුවෙන් වනඅලි 439දෙනෙකු මියගොස් ඇති අතර වන අලි පහරදීමෙන් පුද්ගලයින් 142 දෙනෙකු ජීවිතක්ෂයට පත්ව තිබේ.