ඉන්ධන පෝලිමකින් තවත් සංවේදී මරණයක්..

කැකිරාව - ඉපලෝගම IOC ඉන්ධන පිරවුම්හලේ දී පුද්ගලයෙකු ඊයේ(15) ජීවිතක්ෂයට පත්ව තිබෙන අතර අදාළ පුද්ගලයා තෙල් ලබාගැනීමට පෝලිමේ රැඳී සිටි අයෙකු බව වාර්තා වේ.

සිද්ධියෙන් ජීවිතක්ෂයට පත්ව ඇත්තේ අවුකන ප්‍රදේශයේ පදිංචි ව සිටි 40 හැවිරිදි දෙදරු පියෙක් වන අතර එම පුද්ගලයා ත්‍රීරෝද රථ රියදුරෙකු බව වාර්තා වේ.

ඉන්ධන ලබා ගැනීම සඳහා සිය යතුරුපැදියේ ටැංකිය ද ගලවාගෙන සිය මිතුරකු සමග පෝලිමට පැමිණ තිබෙන ඔහු පෝලිමේ රැඳී සිටිය දී එකවරම සිහිසුන්ව ඇද වැටීම හේතුවෙන් ජීවිතක්ෂයට පත්ව ඇත.

සිද්ධිය සම්බන්ධයෙන් කැකිරාව ඉපලෝගම පොලිසිය විමර්ශන සිදුකරයි.