මෙවර සිංහල අලුත් අවුරුද්දට සීනි කම්හල් සේවකයින්ට සහ ගොවීන්ට කෝටි ගණනක බෝනස්.

අලුත් අවුරුද්ද වෙනුවෙන් සේවකයින්ට සහ උක් ගස් සපයන ගොවීන්ට දිරි දීමනා ලබාදෙන බව ලංකා සීනි සමාගමේ සභාපති විශ්‍රාමික මේජර් ජෙනරාල් සාරද සමරකෝන් පවසනවා.

ඒ, 2022 වර්ෂයේදී පැල්වත්ත සහ සෙවනගල ආයතන ලාබ ලැබීම හේතුවෙන්.

මේ අනුව පැල්වත්ත සීනි සමාගමේ සේවකයින් සඳහා දිරිදීමනා ලෙස රුපියල් දහනවකෝටි අනූලක්ෂ තිස්පන්දහසක් වෙන් කර ඇති බවයි වාර්තා වන්නේ.

එමෙන්ම ගොවීන් සඳහා රුපියල් කෝටි පහක් වෙන් කර ඇති බව ද සඳහන්.

එලෙස සෙවනගල සීනි සමාගමේ සේවකයන්ට දිරි දීමනා ලෙස රුපියල් දසකෝටි හතළිස්පන්ලක්ෂයක් සහ ගොවීන් සඳහා රුපියල් කෝටි තුනක්ද ලබා දීමට නියමිත බවයි ආරංචි මාර්ග පවාස්න්නේ.