පේරාදෙණිය ශික්ෂණ රෝහලේ සිදු වූ සිව් නිවුන් දරු උපත.

පේරාදෙණිය ශික්ෂණ රෝහලේ දී කුරුණෑගල අටමුණේ ප්‍රදේශයේ පදිංචි මවක් දරුවන් සිව්දෙනෙකු ප්‍රසූත කර තිබෙනවා.

එලෙස පිරිමි දරුවන් තිදෙනෙකු සහ එක් ගැහුණු දරුවෙකු බිහි කර ඇති බවයි වාර්තා වන්නේ.

පේරාදෙණිය ශික්ෂණ රෝහලේ ප්‍රසව හා නාරිවේද විශේෂඥ වෛද්‍ය, පේරාදෙණිය වෛද්‍ය පීඨයේ ජ්‍යෙෂ්ඨ කථිකාචාර්ය සම්පත් ඥාණරත්න කියා සිටියේ, අලුත් උපන් දරුවන් සිව්දෙනා සහ මව මේ වනවිට යහපත් සෞඛ්‍ය තත්ත්වයෙන් පසුවන බවයි.

නිවුන් දරුවන් බිහිකළ එම මව 30 හැවිරිදි වියේ පසුවන පාසල් ගුරුවරියක් වන අතර පියා මල්ලවපිටිය ප්‍රාදේශීය ලේකම් කාර්යාලයේ සංවර්ධන නිලධාරියෙක්.