මෙවර ඡන්ද පත්‍රිකාවේ සුවිශේෂී වෙනසක්

මැතිවරණ කොමසාරිස් ජනරාල් සමන් ශ්‍රී රත්නායක මහතා පවසන්නේ, මෙවර ජනාධිපතිවරණයේදී අපේක්ෂකයින් සංඛ්‍යාව වැඩි වුවහොත් ඡන්ද පත්‍රිකාවේ සුවිශේෂී වෙනසක් සිදුකිරීමට සිදුවන බවයි.

 ඊයේ (22) කොළඹ පැවති සැමට ඡන්දය නමින් සම්මන්ත්‍රණයකට එක්වෙමින් මැතිවරණ කොමසාරිස් ජනරාල් සමන් ශ්‍රී රත්නායක මහතා මේ බව සඳහන් කළේය.

මැතිවරණ කොමසාරිස් ජනරාල් සමන් ශ්‍රී රත්නායක මහතා,

"අපේ මැතිවරණ වියදම්වලින් වැඩිපුරම මුදලක් අපි දරන්නේ තැපැල් දෙපාර්තමේන්තුවට, පොලිස් දෙපාර්තමේන්තුවට සහ රජයේ මුද්‍රණාලයට. අපි ප්ලේන්ටියක් බොන අතරේ තැපැල් අයිස් කෝෆි එකක් බිබී වැඩේ කරනවා. මගුල අපේ.. හැබැයි හනිමූන් යන්නේ වෙන කට්ටිය. හැබැයි මේ පාර නම් පැහැදිලිව වියදම සම්බන්ධයෙන් බලන්න වෙනවා."

"මේ සැරේ අපේක්ෂකයෝ සංඛ්‍යාව වැඩි වුණොත් එහෙම පේළි දෙකේ ඡන්ද පත්‍රිකාවක් හදන්න වෙයි. ගිය පාරත් අඟල් 26න් අපි බේරුණා. මේ පේපර් එකේ දිග එන්නේ අඟල් 27යි."