වන්දනා කරුවෙක් හදිසියේම මියයයි..

අද (23 ) ශ්‍රී පාද වන්දනාවේ පැමිණි පුද්ගලයෙක් හදිසියේ මියගොස් ඇතැයි නල්ලතන්නිය පොලීසිය පවසයි.

 මියගොස් ඇත්තේ, තංගල්ල අඟුණුකොළපැලැස්ස ප්‍රදේශයේ සිට පැමිණි ඩබ්ලිව්. ඒ ගුණපාල නැමති 70 හැවිරිදි අයෙකි.

නල්ලතන්නිය පොලීසිය සඳහන් කළේ, මියගිය අයගේ සිරුර මස්කෙළිය ප්‍රාදේශීය රෝහලේ තැන්පත් කර ඇති බවයි.

නල්ලතන්නිය- ශ්‍රීපාද මාර්ගයේ, සීත ගඟුල ප්‍රදේශයට මඳක් ඉහළ දී වන්දනාකරු රෝගී වී ඇති අතර මස්කෙළිය රෝහලට රැගෙන යමින් සිටිය දී මියගොස් ඇතැයි නල්ලතන්නිය පොලීසිය කියා සිටියේය.