මිය ගිය කාන්තාවක් වෙනුවෙන් කදුළු සලන බල්ලෙක්.(VIDEO)

මියගිය කාන්තාව මිහිදන් කිරීමට කඳුළු සලන බල්ලෙකු නිවසේ සිට සොහොන් බිමට යන දර්ශනය කාගේත් සංවේගයට හේතු වී තිබෙනවා.

වසායිචේන පොලිස් වසමට අයත් කින්නයාඩි ප්‍රදේශයේ පදිංචි 76 හැවිරිදි මුතුකුමාර් එල්ලුප්පිල්ලෙයි නමැති කාන්තාවක් වසර ගණනාවක සිට සිය නිවසේ සුනඛයෙකු ඇති කර ගෙන සිට තිබෙනවා.

මෙහිදී කලක් රෝගාතුරව සිටි මහලු කාන්තාව තම දියණියගේ නිවසේ පදිංචිව සිටි අතර එම මහලු කාන්තාව විසින් ඇති දැඩි කරන ලද බල්ලා දියණියගේ නිවසට ගොස් ඇති අතර එලෙස සිය දියණියගේ නිවසේ පදිංචිව සිටි මහලු කාන්තාව පසුගිය15 වනදා මිය ගියා.

එය දැනී කඳුළු සලන බල්ලා කාන්තාවගේ දේහය අසලම සිටගෙන සිට ඇති අතර දේහය මිහිදන් කිරීමට රැගෙන යන මොහොතේද කිලෝමීටර් 4ක් පමණ ඇති සොහොන් බිමට ද මෙම බල්ලා ගොස් තිබෙනවා.