ලබන සතියේ සිට දෛනික දුම්රිය ගමන් වාර 30ක් අඩු වෙයි.

දෛනික දුම්රිය ගමන් වාර සංඛ්‍යාව 30 කින් අඩු කිරීමට තීරණය කර තිබෙනවා.

දැනට පවතින දෛනික දුම්රිය ගමන් වාර සංඛ්‍යාව 400ක්.

ඒ අනුව ලබන සඳුදා සිට දෛනිකව ධාවනය කෙරෙන දුම්රිය ගමන් වාර සංඛ්‍යාව 370 ක් බවයි විෂය භාර අමාත්‍ය බන්දුල ගුණවර්ධන ප්‍රකාශ කළේ.

ඔහු මේ බව කියා සිටියේ, අද( 13) රජයේ ප්‍රවෘත්ති දෙපාර්ත්මේන්තුවේ පැවති මාධ්‍ය හමුවකට එක්වෙමින්.

එමෙන්ම විශ්‍රාම ගිය දුම්රිය රියදුරන් හා නියාමකයන් කොන්ත්‍රාත් පදනම මත සේවයේ යෙදවීමට රාජ්‍ය සේවා කොමිෂන් සභාවේ අනුමැතිය හිමිවූ බවද අමාත්‍යවරයා වැඩිදුරටත් කියා සිටියා.