මුඛයේ තුවාල සහ උෂ්ණ බිබිලි වලට ස්වාභාවික ප්‍රතිකාර.
මුඛයේ තුවාල, එහෙමත් නැත්නම් සැරව ගෙඩි ඇති වෙනවා කියන්නේ අතිශයින්ම වේදනාකාරී තත්ත්වයක්. එය ආහාර ගැනීමේදී සහ කතා කිරීමේදී පවා ඔබට අපහසුතාවයට පත් කරනවා. මේවා කම්මුල්වල ඇතුළත, තොල්වල, දිව යට හෝ මුඛයේ ඕනෑම ස්ථානයක ඇති වෙන්න පුළුවන්.
මුඛයේ තුවාල ගෙඩි ඇති වීමට බලපාන හේතු
🥵 විටමින් හිඟකම ( B -12, සින්ක් හෝ යකඩ).
🥵 විශේෂයෙන් කුළුබඩු සහිත ආම්ලික ආහාර හෝ පලතුරු සහ එළවළු සඳහා සංවේදීතාව.
🥵 කාන්තාවන් අතර ඇතිවන පූර්ව ඔසප් වීමේ සංකූලතා.
🥵 මුඛය තුළ ඇති සාමාන්‍ය වෛරස් හෝ දිලීර හෝ බැක්ටීරියා ආසාදන.
🥵 දුර්වල මුඛ සෞඛ්‍යාරක්ෂාව ආදී හේතු රැසක් බලපානවා.
මේවාට විවිධ ක්‍රීම් වර්ග හෝ පෙති වර්ග ප්‍රතිකාර ලෙස තිබුණත් දිගුකාලීනව භාවිත කිරීම එතරම් සුදුසු නොවෙන්න පුළුවන්.ඒ නිසා මේ කියන්න යන්නේ මුඛයේ වේදනාකාරී වණ වලට සුව දෙන ස්වභාවික ප්‍රතිකාර කිහිපයක් ගැනයි.
මී පැණි
👉 මී පැණි වල ඇති ප්‍රතිබැක්ටීරීය ගුණ නිසා එය ස්වභාවික මොයිස්චරයිසර් එකක් ලෙස ක්‍රියා කරමින් ඔබේ මුඛය වියළීම වලක්වා ගැනීමට උපකාරී වෙනවා.
👉 මේ සඳහා කපු පුළුන් කැබැල්ලක් භාවිතා කරමින් මී පැණි ස්වල්පයක් ඔබේ මුඛයේ ඇති වණ මත තබන්න.
👉 සුව කිරීමේ ක්‍රියාවලිය වේගවත් කිරීම සඳහා කහ කුඩු හෝ නෙල්ලි කුඩු සමඟ මී පැණි සමාන ප්‍රමාණයක් මිශ්‍ර කරන්න.
👉 සහනයක් ලැබෙන තුරු සතියකට දෙවරක් මෙම ක්‍රමය අනුගමනය කරන්න අමතක කරන්නත් එපා.
බේකිං සෝඩා
👉සෝඩියම් බයිකාබනේට්, සාමාන්‍යයෙන් ආම්ලික ආහාර හෝ පාන වර්ග අනුභව කිරීමෙන් පසු මුඛයේ ඇති අම්ල උදාසීන කිරීමට මේවා උපකාරී වෙනවා.
👉 බේකිං සෝඩා තේ හැන්දක් වතුර බින්දු කිහිපයක් සමඟ මිශ්‍ර කර ඝන තලපයක් සාදා ගන්න.
👉 කපු පුළුන් කැබැල්ලක් භාවිතයෙන් පිළියෙල කරගත් තලපය බලපෑමට ලක් වූ ප්‍රදේශයට මෘදු ලෙස යොදන්න.
👉 මෙය දිනකට කිහිප වතාවක් නැවත නැවත කරන්න.
එඬරු තෙල්
👉 මෙම තෙල් මුඛයේ වණ සඳහා ප්‍රධාන හේතුව වන ශරීරයේ උණුසුම අඩු කරන්න උපකාරී වෙනවා.
👉 සෑම රාත්‍රියකම නින්දට යාමට පෙර හානියට පත් ප්‍රදේශයට එඬරු තෙල් ස්වල්පයක් යොදන්න.
👉 ඔබට නිතර මුඛයේ වණ ඇති වුවහොත් සෑම දිනකම මෙම ක්‍රමය අනුගමනය කිරීම යෝග්‍යයි.
කෝමාරිකා
👉 කෝමාරිකා වල ප්‍රධාන වශයෙන් ප්‍රතිබැක්ටීරීය, විෂබීජ නාශක සහ ප්‍රති-දිලීර ගුණ අන්තර්ගතයි.
👉 වේදනාව ක්ෂණිකව සමනය කිරීමට සහ සුවය ප්‍රවර්ධනය කිරීමට හානියට පත් ප්‍රදේශය මත නැවුම්ව නිස්සාරණය කරන ලද කෝමාරිකා ජෙල් හෝ යුෂ යොදාගන්න.
ලුණු
👉 ලුණු වල විෂබීජ නාශක ගුණ ඇති අතර එය වණ සුව කිරීමට උපකාරී වෙනවා.
👉 මද උණුසුම් ජලය වීදුරුවකට ලුණු මේස හැන්දක් මිශ්‍ර කර හොඳින් කට සෝදන්න.
👉 ලවණ ගතිය නැති කිරීම සඳහා සරල ජලයෙන් ඔබේ මුඛය පසුව සෝදන්න.
👉 වඩා හොඳ ප්‍රතිඵල සඳහා ඔබට දිනකට කිහිප වතාවක් මෙය අනුගමනය කළ හැකියි.
ලෝකයේ කොහේ සිටියත් වැදගත් දේ ගැන විස්තර සවිස්තරාත්මකව දැන ගන්න එක් වෙන්න පුවත් WhatsApp සමඟ |
