ඇත්තටම මොකක්ද මේ මුදල් විශුද්ධිකරණය කියන්නේ?
ලංකාවේ දේශපාලනික වතාවරණයත් සමඟ මුදල් විශුද්ධිකරණය වැළැක්වීම ගැන වැඩි දෙනෙකුගේ කතා බහට ලක් වෙනවා. ඇත්තටම මොකක්ද මේ මුදල් විශුද්ධිකරණය කියන්නේ?
💸 අද ලෝකයේ සිද්ධ වෙන ගොඩක් අපරාධ වලට මුල් වෙන්නේ මුදල්. මත්ද්‍රව්‍ය ජාවාරම්, මිනිස් ජාවාරම්, නීති විරෝධී අවි වෙළඳාම්, වංචා සහ දූෂණ, ව්‍යාජ මුදල් නිකුත් කිරීම්, මංකොල්ලකෑම්, Blackmail කිරීම් වගේ ගොඩාක් අපරාධ සිද්ධ වෙන්නෙ මුදල් මතයි.
💸 මේ වගේ නීතිවිරෝධී ක්‍රම වලින් මුදලක් උපයා ගත්තට ඒ ක්‍රමය ගැන රටට ලෝකයට කියන්නබෑ. මොකද එම ක්‍රම නීති විරෝධී නිසා.
💸 හැබැයි ඒ විදිහට නීති විරෝධීව හම්බ කරපුවා භාවිතයට ගන්න නම්, එම මුදල් පිළිගත හැකි තත්වයට පත් කරන්න ඕන.
💸 එහෙම පත් කරන්න සිදු කරන ක්‍රියාවලිය තමයි මුදල් විශුද්ධිකරණය කියලා කියන්නේ.
මුදල් විශුද්ධිකරණය වළක්වන බලකාය
💸 මුදල් විශුද්ධිකරණය වළක්වන්න අන්තර්ජාතික සංවිධානයක් තියෙනවා.
💸 එම සංවිධානය තමයි The Financial Action Task Force (FATF )
💸 මෙම සංවිධනයේ අරමුණ වන්නේ, මුදල් විශුද්ධිකරණය, ත්‍රස්තවාදීන්ට මුදල් සැපයීම සහ ජාත්‍යන්තර මූල්‍ය ක්‍රමයේ පැවැත්මට තියෙන තර්ජන වළක්වන්න ප්‍රමිති සකස් කිරීම ඇතුළු කාරණා රාශියක් නියාමනය කිරිම සහ ප්‍රවර්ධනය කරන එක.
Black Money සුදු කරන්නේ කොහොමද?
💸 කළු සල්ලි රැස් කරන අය, ඒ සල්ලි සුදු සල්ලි විදිහට පරිවර්තනය කරගන්න එක එක ක්‍රම අනුගමනය කරනවා.
💸 සමහර අය එක එක පුද්ගලයන්ව භාවිතා කරනවා. සමහර අය එක එක ආයතන භාවිතා කරනවා. ඒ අතරේ තවත් සමහර අය පුද්ගලයන් සහ ආයතන දෙකම භාවිතා කරනවා.
💸 එතකොට ඕනෑම ආයතනයක් ගත්තත්, ඕනෑම පුද්ගලයෙක් ගත්තත් විධිමත් සහ අවිධිමත් කියලා කොටස් දෙකකට බෙදන්න පුළුවන්. මුදල් විශුද්ධිකරණයේ යෙදෙන අය තමන්ගේ අරමුණ සාර්ථක කරගන්න මේ විධිමත් සහ අවිධිමත් දෙකම උපකාරී කර ගන්නවා.
අවිධිමත් කියන්නේ,
💸 මූල්‍ය නොවන ආයතන වර්ගයක් වන කැසිනෝ ව්‍යාපාර හදුන්වන්න පුලුවන්. ඒ වගේම දේපල වෙළදාම් ඒජන්සිත් හොඳ උදාහරණයක්. මේවා විශාල මුදල් පිරිවැටුම් (Cash Turnover) තියන ආයතන.
💸 මුදල් විශුද්ධිකරණයේ යෙදෙන අය ගොඩක් වෙලාවට තනි ව්‍යාපාරිකයන්ව ඉලක්ක කරනවා ( මැණික් වෙළදාම්වල නිරතවෙන ගණුදෙණු කරුවන්,ගණකාධිකාරීවරු, නීතිඥවරු සහ වෘත්තීයවේදීන්)
ඒ අයව අල්ලගන්නේ ඇයි?
💸 මැණික් ගණුදෙණු කරුවන් ගණුදෙණු කරන්නෙ විශාල මුදල් තොගයක් එක්කයි. ගණකාධිකාරීවරු, නීතිඥවරු එයාලගෙ අරමුණු ඉටු කර ගන්න විශාල මුදල් ප්‍රමාණයක් සංසරණය වෙන ගනුදෙණු සම්බන්ධව අවධානය යොමු කරනවා.
* 2006 අවුරුද්දෙ මාර්තු මාසයේ 6 වෙනිදා, 2006 අංක 5 දරන මුදල් විශුද්ධිකරණය වැළැක්වීමේ පනත සහ 2006 අංක 6 දරන මුදල් ගණුදෙනු වාර්තා කිරීමේ පනත නීතියක් වශයෙන් සම්මත වුණා.
* ත්‍රස්තවාදී මූල්‍ය මර්දනය පිළිබඳ සම්මුතියේ මීට කලින් භාවිතා වුණේ 2005 අගෝස්තු 25, එහෙමත් නැත්නම් 2005 අංක 25 දරන පනතයි. මුදල් විශුද්ධිකරණය වැළැක්වීම සහ ශ්‍රී ලංකාවේ ත්‍රස්තවාදයට මුදල් සැපයීම සඳහා වන නීතිමය රාමුව මේ නීති තුනෙන්ම ආවරණය වෙනවා. |
ලෝකයේ කොහේ සිටියත් වැදගත් දේ ගැන විස්තර සවිස්තරාත්මකව දැන ගන්න එක් වෙන්න පුවත් WhatsApp සමඟ |
