ඩොලර් වලින් ගෙවන ඕනෑම සමාගමකට ඉන්ධන..! බලශක්තිය ඇමතිගෙන් විශේෂ පණිවිඩයක්

ඩොලර්වලින් ගෙවිය හැකි ඕනෑම සමාගමකට හෝ කර්මාන්තයකට සතිපතා සහතික කළ ඉන්ධන ප්‍රමාණයක් ලබා ගැනීම සඳහා නව ක්‍රමවේදයක් හඳුන්වාදී තිබෙනවා. 

 ලංකා ඛනිජ තෙල් නීතිගත සංස්ථාවේ පාරිභෝගික ගිණුමක් ආරම්භ කිරීමේන් මේ සඳහා අවස්ථාව ලබාගත හැකි බවයි විදුලි බල හා බලශක්ති අමාත්‍ය කාංචන විජේසේකර සඳහන් කරන්නේ.

ඒ අනුව ඔවුන් මාසයකට පෙර මුදල් ගෙවීම සිදු කළ යුතු අතර, 12 වැනිදා සිට දිනපතා හෝ සතිපතා ඉන්ධන නිකුත් කරන බවත් දැනටමත් ගෙවා ඇති ගනුදෙනුකරුවන්ට ඔවුන්ගේ කෝටාව ලබන 12 වැනිදා සිට ලබාදෙන බවයි අමාත්‍යවරයා නිකුත් කළ Twitter පණිවිඩයක වැඩිදුරටත් සඳහන් වන්නේ.