විශාකාවගේ චරිතය ඇසුරින් මෙකල කාන්තාවන්ට ආදර්ශමත් ජිවිතයක් ගත කිරිමට මගක් මෙන්න...

ධනංජය සිටුතුමාගේ හා සුමනා නම් සිටු දේවියගේ දියණිය වු විශාඛාව ගෞතම බුදුන් හමුවූයේ වයස අවුරුදු හතේදී උන්වහන්සේ ඇගේ උපන් නගරයට වැඩම කළ අවස්ථාවේදීය. බුදුන් වහන්සේ ඇයට දහම් දෙසූ විට ඇය සෝතාපන්න වූවාය. ඊළඟ දෙසතිය තුළ බුදුන් වහන්සේට සහ උන්වහන්සේගේ භික්ෂූන්ට දිනපතා තම නිවසට ආහාර ගැනීමට ආරාධනා කළේය.

විශාඛාවට වයස අවුරුදු දහසය වන විට මිගාර නම් ධනවත් භාණ්ඩාගාරිකයෙක් තම පුත් පූර්ණ වර්ධනට බිරිඳක් සොයා දීමට කැමති විය. කෙසේ වෙතත්, පුර්ණවද්දන්න විවාහ වීමට අකමැති වූ අතර ඔහු විවාහ වන එකම කාන්තාව ලෙස සොයා ගැනීමට නොහැකි යැයි සිතූ රූමත් කාන්තාවක් විස්තර කළේය. මේ නිසා මිගර පූර්ණ වර්ධනට විස්තරය හමුවූ කාන්තාවක් සොයා ගැනීමට බ්‍රාහ්මණයන් පිරිසක් යැවිය.

උත්සවයේ වැස්ස වහින්නට පටන් ගත් විට, විශාකා හැර අන් සියල්ලන්ම නොතෙමීම සදහා දිව ගිය අතර, විශාකාව පමණක් සෙමෙන් ඇවිද ගියහ. බ්‍රාහ්මණයෝ මෙය දුටු විට පළමුව ඇය කම්මැලි යැයි උපහාස කළහ. කෙසේ වෙතත්, විශාඛා ඔවුන්ට පැහැදිලි කළේ තමා දිව නොගියේ රජුන්ට, රාජකීය ඇතුන්ට, භික්ෂූන්ට සහ කාන්තාවන්ට දිවීම අශෝභන නිසා බවයි. තෙත ඇදුම් වේලිය හැකි බැවින් තමාට තුවාල කර ගැනීමට අවශ්‍ය නැති බවත්, නමුත් විවාහ වන වයසේ සිටින කාන්තාවක් අතපය කැඩී ගියහොත් ඇයට විවාහ වීමට නොහැකි බවත්, එය ඇගේ දෙමාපියන්ට ගැටලුවක් බවත් ඇය පැහැදිලි කළාය. මෙම සංවාදය අතරතුර, පූර්ණවර්ධනට විස්තර කළ සියලුම ගති ලක්ෂණ විශාඛා සතුව ඇති බව බ්‍රාහ්මණයන් දුටු අතර, ඔවුන් ඔහු වෙනුවෙන් ඇය වෙත යෝජනා කළ අතර, එය විශාඛාව පිළිගත්තා.

විශාකා තම සැමියාගේ නිවසට ගිය පසු ජෛන ආගමේ අනුගාමිකයෙකු වූ ඇගේ මාමණ්ඩිය විශාඛාගේ බුද්ධාගම කෙරෙහි ඇති දැඩි විශ්වාසය නිසා දැඩි කෝපයට පත් විය. අවසානයේදී ඇගේ මාමණ්ඩිය තම පුතා සහ විශාකා අතර විවාහය කඩාකප්පල් කිරීමට පටන් ගත්තේය. දිනක් භික්‍ෂුවක් දානයක් ඉල්ලා නිවසට ඇතුළු වූ විට මිගාර ඔහුව නොසලකා හැරියේය. "ස්වාමීනි, මගේ මාමණ්ඩිය පුරාණය වළදනවා " යැයි විශාඛාව පවසා ඇත. මෙය ඇයගෙන් මිදීමට අවස්ථාවක් ලෙස දුටු ඇගේ මාමණ්ඩිය විශාකාව ගෙදරින් නෙරපා හරින ලෙස ඉල්ලා සිටියේය.

බේරුම්කරුවන් කැඳවූ නමුත් විශාඛා විස්තර කළේ තම මාමණ්ඩිය විසින් ආහාර අනුභවයෙන් සහ අනාගතයට පින් නොකරමින්, ඔහු අතීත කුසල් පුරවාගෙන, වැඩිය නොපිහිටීම නිසා එය හරියට පරණ කෑම කනවා වැනි බවය. විශාඛා කියන්නේ අගෞරවයක් නොවන බව මේක අහලා සිතූ මිගාර සිටුතුමා, දිනක් ඇගේ පියා තම විවාහයේදි කනට කොදුරා කියුවේ කුමක් දැයි ඇගෙන් විමසු විට ඇය මෙසේ ප්‍රකාශ කලේය .  

එම කරැණු 10ය පවුල් ජීවිත සතුටින්,සමගි සම්පන්නව ගතකිරීමට මේ කරුණු,අවවාද විවාහ ජීවිත ගතකරන්න බලාපොරොත්තු වන අයටත්,විවාහ ජීවිත ගතකරණ අයටත් ඉතාමත් වැදගත්වේවි.

 01 – අන්තෝ අග්ගි බහි න නීහරිතබ්බෝ - ඇතුළත ගිනි පිටතට ගෙන නො යන්න. තේරුම = තමන් ගේ ස්වාමියා ගේ අගුණල සිය නිවසේ ගැටලූල ආදිය බාහිර නිවෙස් වල අයට පැවසීමෙන් වළකින්න.නිවසේ යම් ප්‍රශ්නයක් ඇති වුණොත් එය පිටට කියන්න එපා කිව්වා. මේක අද කාලයට ඉතා වටිනවා. පවුලක් තුළ යම් ප්‍රශ්නයක් ඇතිවුණොත් ඒ වූ පමාවෙන් යහළුවන්ට, නෑයන්ට, මව්පියන්ට කියන්න අද කාන්තාව පෙළඹිලා ඉන්නවා.

02 – බාහිරතෝ අග්ගි න අන්තෝ පවේසේතබ්බෝ – පිටත ගිනි ඇතුළට නො ගෙනෙන්න. තේරුම = තමන් ගේ ස්වාමියා ගැන හෝ පවුලේ අය ගැන හෝ බාහිර උදවිය කියන දේවල් අසාගෙන විත් නිවසේ නො කියන්න.

03 – යේ දදන්ති තේසං යේව දාතබ්බං – දෙන අයට ම දෙන්න. තේරුම = නිවසේ ඇති උපකරණ ආදිය ඉල්ලාගෙන යෑමට යමෙක් පැමිණ විට, ඔහු එය ආපසු ලබා දෙන තැනැත්තෙක් නම්, එවැනි අයට පමණක් එම උපකරණ ආදිය ලබා දෙන්න.

04 – යේ න දෙන්ති, තේසං න දාතබ්බං - නො දෙන අයට නො දෙන්න. තේරුම = නිවසේ ඇති උපකරණ ආදිය ඉල්ලාගෙන යෑමට යමෙක් පැමිණ විට, ඔහු එය ආපසු ලබා නො දෙන තැනැත්තෙක් නම්, එවැනි අයට ඒවා දීමෙන් වළකින්න.

05 – දදන්තස්සාපි අදදන්තස්සාපි දාතබ්බං – දෙන අයටත් නො දෙන අයටත් දෙන්න. තේරුම = දිළිදු වූ යම් කිසිවෙක් කිසිවක් ඉල්ලාගෙන පැමිණි විට ඔහු ආපසු දුන්නා හෝ නො දුන්නා හෝ දන් දෙන්න.

06 – සුඛං නිසීදිතබ්බං – සුවසේ හිඳගන්න.. තේරුම = සිය ස්වාමියා මාමණ්ඩිය ඇතුළු වැඩිහිටි අය නැගිටිය යුතු තැන් වල හිඳගෙන සිටීමෙන් වළකින්න.

07 – සුඛං භුඤ්ජිතබ්බං – සුවසේ අනුභව කරන්න. තේරුම = සිය ස්වාමියාල මාමණ්ඩිය ඇතුලූ වැඩිහිටි අයට ප්‍රථමයෙන් කෑම ගැනීමෙන් වළකින්න. ඒ අයට ආහාර පානාදිය සපයා ඒ කටයුතු සොයා බලා ඉන්පසු ව ආහාර ගන්න.

08 – සුඛං නිපජ්ජිතබ්බං – සුවසේ සැතපෙන්න. තේරුම = සිය ස්වාමියා මාමණ්ඩිය ඇතුළු වැඩිහිටි අයට ප‍රථමයෙන් නිදා ගැනීමෙන් වළකින්න. ඒ අයට කළ යුතු උපස්ථාන ආදිය සිදු කොට ඒ අය නිදාගත් පසු ව නිදා ගන්න.

09 – අග්ගි පරිචරිතබ්බෝ – ගිනි පුදන්න තේරුම = සිය ස්වාමියාට ත් මාමණ්ඩිය ඇතුළු වැඩිහිටි අයට ත් ගෞරව බුහුමන් දක්වන්න.

10 – අන්තෝ දේවතා නමස්සිතබ්බා – ඇතුළත දෙවිවරුන් හට පුද සත්කාර කරන්න. තේරුම = සිය ස්වාමියාට ත් මාමණ්ඩිය ඇතුළු පවුලේ වැඩිහිටි අයට ත් දෙවියන් සේ සළකා පුද සත්කාර කරන්න.

මේ සියල්ල පැහැදිලි කළ විශාඛා කියනවා “මගේ නිදොස් බව දැන් පැහැදිලියිනේ. මම දැන් මගේ ගෙදර යන්නම්.” කියලා. එවිට මිගාර සිටුතුමා කියනවා “අනේ දුවේ, ඔබ බොහොම හොඳ දියණියක්. යන්න එපා.” කියා මිගාර සිටු තුමා ඇයව නවතා දමනවා.

තම පියාණන්ගේ අවවාද නිසා ඇය ද ඇගේ පවුල් ජිවිතයද රැකුණි . එම කාලයට පමණක් නොව මෙම කාලයටද මෙම උපදෙස් මනා අගනේය මක් නිසාද යත් මේ කාලයේ පවුල් වල විශාල ප්‍රශ්ණ ගොන්නක් ඇති බවද බිරිද සැමියාගේ සැමියා බිරිදගේ වැරදි පෙන්වාද දික්කසාද විමේ ප්‍රවණතාව වැඩි කාලයක් බැවින් මා සිතන අයුරින් එම අවවාද උපදෙස් මේ කාලයටද ගැලපේ..