ක්‍රිෂ් ගනුදෙනුව සම්බන්ධයෙන් අල්ලස් හෝ දූෂණ චෝදනා විමර්ශනය කිරීමේ කොමිෂන් සභාව විසින් ගොනු කර ඇති පැමිණිල්ල අද (03) කොළඹ ප්‍රධාන මහේස්ත්‍රාත්වරයා ඉදිරියේ කැඳවීමට නියමිතය.
අදාළ නඩු කටයුත්ත සඳහා පෙනී සිටීමට නාමල් රාජපක්ෂ මහතා මෙලෙස අධිකරණයට රැගෙනවිත් ඇති බව වාර්තා වේ.
]]>ඒ අනුව, අද දිනයේදී 1983 කළු ජූලි ඛේදවාචකය සහ එහි බලපෑම පිළිබඳ පූර්ණ අධ්‍යයනයක් සිදුකර වාර්තා කිරීම සඳහා පාර්ලිමේන්තු විශේෂ කාරක සභාවක් පත් කිරීමට අදාළ යෝජනාව අනුමැතිය සඳහා ඉදිරිපත් කිරීමට නියමිතය.
ජාතික සහජීවනය තහවුරු කිරීම සහ එම ඛේදවාචකයෙන් පීඩාවට පත් පිරිසට සහන සැලසීම සම්බන්ධයෙන් යෝජනා හා නිර්දේශ ඉදිරිපත් කිරීම ද එම විශේෂ කාරක සභාවේ අරමුණ වී තිබේ.
මීට අමතරව, අද පෙරවරු 11.30 සිට පස්වරු 5.30 දක්වා ආණ්ඩු පක්ෂය විසින් ඉදිරිපත් කරනු ලබන සභාව කල්තැබීමේ යෝජනාවට අදාළ විවාදය පැවැත්වීමට නියමිතය. මැදපෙරදිග පවතින යුදමය වාතාවරණය හේතුවෙන් ශ්රී ලංකාවට එල්ල වී ඇති බලපෑම් පිළිබඳව එහිදී සාකච්ඡා කෙරෙනු ඇත.
කෙසේ වෙතත්, කථානායකවරයාට එරෙහිව විපක්ෂය විසින් භාරදෙන ලද විශ්වාසභංග යෝජනාව අද විවාදයට ගැනීම සිදු නොවන බව පාර්ලිමේන්තු මහලේකම් කාර්යාලය සඳහන් කරයි.
එම යෝජනාවේ අන්තර්ගත ඇතැම් කරුණු පාර්ලිමේන්තු ස්ථාවර නියෝගවලට අනුකූල වන පරිදි සංශෝධනය කර නැවත ඉදිරිපත් කරන ලෙස දැනුම් දී තිබුණද, එලෙස සංශෝධිත යෝජනාවක් නැවත ඉදිරිපත් කර නොමැති බැවින් මෙම තීරණය ගෙන ඇති බව වැඩිදුරටත් සඳහන් වේ.
]]>ඒ අනුව, බ්‍රෙන්ට් බොරතෙල් බැරලයක මිල 7.63%කින් පහත වැටී ඇමෙරිකානු ඩොලර් 104.77ක් ලෙස සටහන් වී ඇති බව විදෙස් මාධ්‍ය වාර්තා කරයි.
ඇමෙරිකාව සහ ඉරානය අතර යළිත් රාජ්‍යතාන්ත්‍රික සාකච්ඡා ආරම්භ වීමේ ලකුණු පහළ වීම මෙම මිල පහත වැටීමට ප්‍රධාන හේතුව වී තිබේ.
ඉරානය ද ඇමෙරිකාව සමඟ මේ වන විට සාකච්ඡා පැවැත්වෙමින් ඇති බව ප්‍රකාශ කර ඇති අතර, දැඩි කොන්දේසි යටතේ හෝමුස් සමුද්‍ර සන්ධිය යළි විවෘත කිරීමට ද යෝජනා කර ඇත.
මේ අතර, ඇමෙරිකානු උප ජනාධිපති ජේ.ඩී. වැන්ස් විසින් ඉරාන ජාතික ආරක්ෂක ප්‍රධානී මොහ්සෙන් රෙසායි වෙත නව සාකච්ඡා පැවැත්වීමේ හැකියාව සම්බන්ධයෙන් ලිපියක් යොමු කර ඇති බව විදෙස් මාධ්‍ය අනාවරණය කරයි.
මාස කිහිපයකට පසු ජනාධිපති ඩොනල්ඩ් ට්‍රම්ප්ගේ පරිපාලනය ඉරානය සම්බන්ධයෙන් ගත් ඉහළම මට්ටමේ රාජ්‍යතාන්ත්‍රික පියවරක් ලෙස මෙම ක්‍රියාමාර්ගය සැලකෙන බව ද වාර්තා වේ.
]]>කුරුණෑගල සහ මහව අතර දුම්රිය මාර්ගය ජලයෙන් යටවීම හේතුවෙන් එම කොටසේ දුම්රිය ධාවනය තාවකාලිකව අත්හිටුවීමට පියවර ගෙන ඇති බව දුම්රිය දෙපාර්තමේන්තුව සඳහන් කරයි.
ඒ අනුව, කොළඹ සිට ධාවනය වන දුම්රිය කුරුණෑගල දක්වා පමණක් ධාවනය කෙරෙන අතර, යාපනයේ සිට පැමිණෙන දුම්රිය මහව දක්වා පමණක් ධාවනය වන බව එම දෙපාර්තමේන්තුව වැඩිදුරටත් දැනුම් දෙයි.
මේ අතර, ඊයේ (02) දිනයේ ඇදහැලුණු වර්ෂාවත් සමඟ දැදුරු ඔය ජලාශයේ වාන් දොරටු හතරක් අඩිය බැගින් විවෘත කර ඇති බව වාරිමාර්ග දෙපාර්තමේන්තුව සඳහන් කරයි.
වාරිමාර්ග දෙපාර්තමේන්තුවේ ජල කළමනාකරණ අධ්‍යක්ෂ එල්.එස්. සූරියබණ්ඩාර මහතා ප්‍රකාශ කළේ, පවතින වර්ෂාපතනය හේතුවෙන් තවත් ජලාශ කිහිපයක ජල මට්ටම් ද ඉහළ ගොස් ඇති බවයි.
]]>දිවයිනේ සෙසු ප්‍රදේශවලට ද පස්වරු 1.00න් පසුව තැනින් තැන වැසි හෝ ගිගුරුම් සහිත වැසි ඇතිවීමේ හැකියාව පවතින බව එම දෙපාර්තමේන්තුව සඳහන් කරයි. ඇතැම් ප්‍රදේශවලට මිලිමීටර් 75 ඉක්මවූ තරමක තද වැසි ඇති විය හැකි බවද අනාවරණය කර ඇත.
ගිගුරුම් සහිත වැසි සමඟ ඇති විය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීම සඳහා අවශ්‍ය ආරක්ෂිත පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටියි.
මේ අතර, සබරගමුව, මධ්‍යම සහ ඌව පළාත්වල ඇතැම් ප්‍රදේශවල අලුයම් කාලයේදී මීදුම් සහිත තත්ත්වයක් ද පැවතිය හැකි බව වැඩිදුරටත් සඳහන් කරයි.
]]>